حجازيات

تحملوني لو حصل مني تقصير...اهم شي ان الغلا دوم باقي.. ليت القلوب لها فحوص وتقارير .. وارسل لكم كشف الغلا واشتياقي
 
الرئيسيةالتسجيلدخول

شاطر | 
 

 ايش الفايدة منها ؟ اتحداكم تجاوبو

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Eng.OMAR
عضو شرف
عضو شرف
avatar

ذكر
عدد الرسائل : 248
العمر : 28
المزاج : لزيز ورااااايق
تاريخ التسجيل : 12/11/2008

مُساهمةموضوع: ايش الفايدة منها ؟ اتحداكم تجاوبو   الأربعاء نوفمبر 12, 2008 6:54 am

بسم الله الرحمن الرحيم .
السلام عليكم ورحمة الله وبركاته . وبعد كده

Very Happy كيفكم؟ طيبين الحمد لله


الموضوع اليوم طويييل معليش استحملوني بس إن شاء الله يكون مفيد


زي ما بتشوفو وبنشوف كلنا ان الحاجة اللي حأتكلم عنها موجودة في كل مكان ومنتشرة بحاجة غرييييبة وتلقاها دايما يامحشورة بين السبابة والوسطى يا في الفم والمشكلة انو مكانها الاصلي ( الحاجة ) في القمامة
( الله يكرمكم ) .

طبعن انا بأتكلم عن السيجارة اللي دوختنا وكتمتنا وقتلتنا وماخلت فينا شي سليم حتى ملابسنا صارت ريحتها معفنة .
والمشكلة انو اللي يدخن واللي ما يدخن ينضر يعني بالعربي المدخن يضر( نفسو) بالتدخين الايجابي (وغيرو) بالتدخين السلبي وللأسف صارو البزورة والأطفال اللي اعمارهم تحت الـ 18 يدخنو ( يالطيف) وازا سألتو ليش تدخن يقلك مرجلة وتقليد وتجربة . والمشكلة ان كل اللي قالو كلام فاااااضي .
ولو ترجع لسبب المشكلة الرئيسية حتلاقيها من رأس الفتنة من السوسة ( شياطين الانس) اللي مافيهم خير اللي يوسوسولك في كل وقت حتى في رمضان يا لطيف ما يسيبوك عقبال ما يتصفدوا زي شياطين الجن قولو آمين .



بعدين نجي لحكاية( المرجلة) ترا في حريم لليييييل يدخنو مو زي زمان الرجال والشيبان هم اللي يدخنو لأ دحين حتى الحريم كمان
ونجي بعدين لحكاية (التجربة) اول حاجة بأقولك يا خي ما تسيبك من اللقافة انت ويا هو تاني شي يقول المثل لاتدخل عصك في شي مايخصك وازا تقولي (تقليد) اقلك والله ما نكبنا في هادي الحياة غير التقليد اللي ما يشوف ( الاعمى )


بعدين يا مدخن ويا مدخنة يا ماسكين السجاير في اياديكم ابغى اضرب لكم مثالين مرة حلوين
:
المثال(1)



تخيلو ازا احد اعطاكم كاسة مويه وقال لكم ترا (احتمال) تكون مسمومة يعني فيها سم !!

حتشربها ولا لأ ؟ وايش حتسوي بها ؟
الجواب طبعا ما حتشربها . وأقلها تبعد عنها ولا تكبها .



المثال (2)
تخيلو ازا احد اعطاكم كاسة مويه وقال لكم وحلف لكم يمين انها مسمومة !!!
حتشربها ولا لأ ؟ وايش حيكون موقفك ؟
الجواب طبعا أكيد ما راح تشربها الا ازا كنت مجنون ( اعذروني على هادي الكلمة ) ,اقلها اقل شي ترميها وتكبها في البيارة ( الله يكرمكم ) لا وتطيحو سب ولعن في اللي اعطاكم هيه هادا وانتم ما شربتوها
كده خلصنا من المثالين .




يلا نرجع للسيجارة ونشوف كيف ردة فعلكم . فتخيل احد يقدملكم عود مسمووووووم للييييييل ويقول لكم أشربوه وانتو تسمعو كلامهم زي الطيبين والمشكلة انكم عارفين انو مسموم وفي كل البكتات مكتوب انو يسبب امراض وبرضكم تشربوووه
والله حالة غرييييبة .

وازا تبغى العلاج
1 ) سيبك من رفقاء السوء ( شياطين الإنس ) .

2 ) لازم تعرف انو ربنا يراقبك وان اللي بتسوي غلط في غلط .

3 ) أسأل نفسك ايش حتستفيد من الدخااان .

4 ) أتمسك بدينك وخد النصايح من الناس اللي بطلو يدخنو .

5 ) روح عند أي طبيب واستشيرو واكيد حيفيدك

6 ) أسأل نفسك تتمنى أخوك الصغير ولا ولدك لمن تكبر انو يدخن ؟؟!!!

7 ) البعض يقولوا انهم بطلو التدخين من مرة وحدة وناس يقولو لأ بالتدريج وهادا طبعا حسب الشخص فشوف اللي تحس انو حيفيدك وطبقو .

8 ) لمن تبغى تولع الزفت دا قوي ارادتك واستعذ بالله من الشيطان .

9 ) أفتكر كل ما تشتاق للسيجارة انو في ناااس ماتو كتييير بسببو فإيش يدريك انك ما تكوون منهم .

10 ) لازم تعرف انك كمان قبل ما تدخن تفتكر الناس اللي جنبك انك حتضرهم .



وغيرو كتييييييييييييير



معليش انا عارف اني مرررررة طولت بس ايش أسوي
المشكلة كبيرة يبغالها حل واللي في قلبي قلتو



والسلام عليكم ورحمة الله وبركاته



سبحانك اللهم وبحمدك أشهد ألا إله إلا أنت أستغفرك وأتوب إليك
الرجوع الى أعلى الصفحة اذهب الى الأسفل
نبض الحياة
الأدارة
الأدارة
avatar

ذكر
عدد الرسائل : 1275
العمر : 25
تاريخ التسجيل : 05/11/2008

مُساهمةموضوع: رد: ايش الفايدة منها ؟ اتحداكم تجاوبو   الخميس نوفمبر 13, 2008 9:16 am


شكرا على الموضوع والكلام الجميل جدا





الله يشفي كل مدخن ومدخنة
الرجوع الى أعلى الصفحة اذهب الى الأسفل
Dr.YoOoYoOo
المدير العام
المدير العام
avatar

انثى
عدد الرسائل : 1635
العمر : 24
الموقع : في قلب إلي يحبوني..
المزاج : منشــكحه ^_^
تاريخ التسجيل : 04/11/2008

مُساهمةموضوع: رد: ايش الفايدة منها ؟ اتحداكم تجاوبو   الخميس نوفمبر 13, 2008 3:51 pm



يا أنت ياللي تمسك الموت بيديك***ما هي رجولة مسكتك للسجاره
ذاك الزفير اللي يودعك بيجيك ***في شهقة.ن تحمل معاها غباره
تولع الدخان حتى يطفيك ***و بيني و بينك في سلوكك نعاره
تضر نفسك و مجالسينك و أهليك***و يكفي على ( الباكيت ) تقرا عباره
تحذير صحي : المرض منه يأتيك***و كانك تريد الموت خذه بجداره
و يا بنت مسكتك المعسل تخليك***شينه و تبعدبك عن أرض الطهاره
و إن كان ربي حط بحشاك غاليك***مات و تسمم قبل يطلع لداره
و الله ما تلقى بن آدم يواسيك***لا صار ( للكنسر ) في صدرك إماره
لا تحسب علاج الاطبه يداويك***أقلع قبل لا تذوق طعم المراره
تشفط سجاره و المنادي يناديك***و في باب بيت الله تطفي السجاره
شيء.ن بنعلك تدعسه دوم .. وشفيك ؟!***يا آبن الذين ذا دليل القذاره
و ما دام ما ترضى أحد يوم يأذيك***لا تأذي مصلي خشوعه شعاره
بسته ريال تبيع نفسك لشاريك***الهندي اللي كل همه تجاره
و لا شح عندك تسأل الناس تعطيك***تتوسله يأذيك .. هذي شطاره ؟!
من قال لك شرب السجاير يسليك***بيزيد همك هم و يقيد ناره
ما تدري إنه نار في الصدر تكويك***و كم شايب.ن في الناس تذهب وقاره
إما ردعك اللي يقوله محاكيك***أرجع لنفسك و أحسب الآمر تاره
و يا التاجر اللي منك ضاعت مباديك***ربحك من الدخان ذنب و خساره
يا أخي أمتثل للحق في أمر باريك***درب الهدى وش له تغير مساره..


*******************************

يااااااااااااااااااااااي



مووووووضوووع مرررررره نايس


تسلم الأيد إلي كتبتوو يارب


وياريت كل مدخن يتعظ ويبطل تدخين

تقبل مروري
Dr.YoOoYoOo
[/center]


عدل سابقا من قبل Dr.YoOoYoOo في الخميس نوفمبر 13, 2008 5:15 pm عدل 1 مرات (السبب : ....)
الرجوع الى أعلى الصفحة اذهب الى الأسفل
http://7gazyat.3arabiyate.net
7jazi skrr
الأدارة
الأدارة


ذكر
عدد الرسائل : 1267
العمر : 22
المزاج : mraa zft
تاريخ التسجيل : 30/11/2008

مُساهمةموضوع: رد: ايش الفايدة منها ؟ اتحداكم تجاوبو   الخميس ديسمبر 04, 2008 8:11 pm


جزاك الله خير
الرجوع الى أعلى الصفحة اذهب الى الأسفل
King Of 7jaze
مقدم برنامج حجازي تحت الأضواء
مقدم برنامج حجازي تحت الأضواء
avatar

ذكر
عدد الرسائل : 100
العمر : 28
تاريخ التسجيل : 02/12/2008

مُساهمةموضوع: رد: ايش الفايدة منها ؟ اتحداكم تجاوبو   الخميس ديسمبر 04, 2008 9:41 pm

يالله موضوع مررررره حلووو


و يستحق القراءه و الرد و الشكر أيضاً


شكرا على هذا الموضوع المفيد و الرائع
الرجوع الى أعلى الصفحة اذهب الى الأسفل
*l0o0l*
حجازي فعال
حجازي فعال
avatar

انثى
عدد الرسائل : 157
العمر : 23
المزاج : ilove you
تاريخ التسجيل : 10/12/2008

مُساهمةموضوع: رد: ايش الفايدة منها ؟ اتحداكم تجاوبو   السبت ديسمبر 13, 2008 11:21 pm

مشكوووووووووووووووووووور ع المووووضوووووع الرائع
الرجوع الى أعلى الصفحة اذهب الى الأسفل
 
ايش الفايدة منها ؟ اتحداكم تجاوبو
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حجازيات :: القسم العام :: الصحيه-
انتقل الى: